Abril 3-5: Ikalawang Kumperensiya sa Pagtuturo sa Filipino

Kumperensiya-2013_Web-Poste

Ikinalulugod na inaanyayahan ng Adarna House at Kagawaran ng Filipino ng Ateneo de Manila University ang lahat ng guro, mananaliksik, at mag-aaral ng wika at panitikang Filipino sa paparating na Ikalawang Pambansang Kumperensiya sa Pagtuturo sa Filipino. Gaganapin ang kumperensiya sa ika-3 hanggang ika-5 ng Abril, 2013 (Miyerkoles hanggang Biyernes) sa Escaler Hall ng Ateneo sa Loyola Heights, Quezon City.

Ang kumperensiyang ito ay iikot sa temang Wika at Panitikan sa Silid-Aralan. Si Virgilio S. Almario, bagong puno ng Komisyon sa Wikang Filipino, at si Dr. Isagani Cruz, pambansang sangguni sa K-12 ng Kagawaran ng Edukasyon, ang mga magsisilbing tagapagsalitang pandangal. Papaksain ni G. Almario ang halaga ng wika sa pagtataguyod ng kultura at pambansang pagkakakilanlan, habang tatalakayin naman ni Dr. Cruz ang usapin ng wika sa kurikulum ng basic education.

MGA PLENARYA

Ang UP-Adarna House Filipino Text Readability Index (UP-AH FiTRI)
Rowena Cristina L. Guevara

Isang Pagtanaw sa 30 taon ng PBBY
Prof. Portia Padilla

Ang Sistema ni Propesor Tuko:
Pagtatanghal at Pagtuturo ng Dula

Ateneo ENTABLADO at Kagawaran ng Filipino

Pinoy Komiks sa Pinoy Klasrum
Dr. Edgar Samar

Wika at Edukasyon sa Saligang Batas
Atty. Nicolas B. Pichay

Ang Dahilan ng Panitikang Pambata sa Edukasyon
Russell Molina

MGA BREAKOUT SESSION

Filipino sa Bagong Kurikulum
Magagandang Pamamaraan sa Filipino (Pakitang-Turo)

GABAY SA PAGBABAYAD

  • Hanggang ika-5 ng Marso (pinatagal hanggang ika-8 ng Marso)
    = Php 3,500.00 bawat kalahok
  • Hanggang ika-27 ng Marso
    = Php 5,000.00 bawat kalahok
    = Php 3,500.00 bawat kalahok para sa grupo ng 3 o higit pa
  • Hanggang ika-3 ng Abril
    = Php 7,000.00 bawat kalahok

Kasama sa registration fee ang pagkain (tanghalian at 2 meryenda para sa 3 araw), conference kit, sertipiko, at kopya ng mga papel pangkumperensiya.

Upang magpatala, i-download, sagutan, at ipasa ang 2013 Kumperensiya sa Filipino – Registration Form. Maaari ring i-download ang buong programa ng Kumperensiya: 2013 Kumperensiya sa Pagtuturo sa Filipino. Tatanggap lamang ng 200 kalahok ang Kumperensiya.

Upang humiling ng pormal na paanyaya o para sa anumang paglilinaw, maaaring makipag-ugnayan kay Ergoe sa kumperensiya[at]adarna.com.ph, (02) 352-6765 local 119, o sa (0927) 382-4716.

Advertisements

3 Comments

Filed under Adarna House, Workshops