Nagsimula na kahapon (November 15) ang Aginaldong Adarna, ang Christmas sale sa aming showroom. Pero hindi lang iyon ang regalo namin sa inyo ngayong Pasko!
Regalo # 1
Titipunin namin ang inyong mga paboritong manunulat at ilustrador sa hapon ng December 1 (Sabado) para makipaghuntahan sa inyo, at siyempre para pumirma ng mga libro. (Narito ang listahan ng mga dadalong author at illustrator.)
Regalo # 2
Lahat rin ng pupunta sa aming showroom mula 1:00 hanggang 5:00 nang hapon sa araw na iyon, at bumili ng kahit anong aklat (na hindi bargain book) ay makatatanggap ng libreng 2013 Adarna House calendar.
Regalo # 3
May libreng pameryenda para sa mahal naming mga mambabasa!
Regalo # 4
Mabibili na ang mga pahabol naming bagong aklat para sa taong ito: ang PBBY winner na Ano’ng Gupit Natin Ngayon? (Russell Molina at Hubert Fucio), Ang Lihim ng San Esteban (Annette Flores Garcia), Pilandokomiks: Ang Tatlong Sumpa (Borg Sinaban), at Una and Miguel (Lillideshan Bose).
Regalo # 5
Sa araw na ito rin unang mabibili ang mga bago at cute-na-cute naming Pilandok merchandise: ang Pilandok plushie at Pilandok t-shirt.
Kaya, regaluhan ang sarili, at magkita-kita tayo sa aming showroom sa December 1, 1:00 PM hanggang 5:00 PM.
The Adarna House Blog 
ano po ang sizes ng pilandok shirt, may pambata po ba? mabibili rin po ba ng 2012 calendar?
Opo, may 2 sizes pong pambata yung Pilandok shirt. Yung calendar po ay freebie lang po talaga namin, at hindi ipinagbibili. :)
Pingback: 5 regalo para sa inyo! « The world through a spyglass
Sa December 1 lang po ba mabibili ang t-shirt?Or kahit po pagkatapos ng december 1 ay meron parin kayong stock sa Adarna House Showroom? :)
Kahit po pagkatapos ng December 1, available pa rin. Pero limited supply po siyempre, so until supplies last. :)
lungkot… uuwi na ko ng amerika ng nov 30. pilandoook!
Reblogged this on The world through a spyglass.
Mayroon pa po bang stock ng Pilandok t-shirt sa ngayon? :)
Marami po! :D